طريقة عمل صنية القرنبيط بالشاميل من مطبخي شهية جداااااا وتغييربالكتابة والفيديو

طريقة عمل صنية القرنبيط بالشاميل من مطبخي شهية جداااااا وتغيير

بالكتابة والفيديو

اولا الفيديو  

ثانيا 

المقااادير والطريقة

=======

صنية القرنبيط بالبشاميل تحفة وطعم شهي جداااااااا جداااااااااا وتغير عن المعتاد

تعالوا نغير في اطباقنا التقليدية ونستفيد ونحبب اولادنا في جميع الخضروات

تعالوا نشوف المقادير والطريقة المقادير // قرنبيط - لحمة مفرومة - بشاميل

الطريقة //

اول حاجة نسلق القرنبيط وبعدين نقطعه قطع صغيرة

ونجهز اللحمة ونعصجها ونضيف عليها جزرة مبشورة و1 طماطم مبشورة ايضا ونقلب اللحمه علي القرنبيط كويس

ونحطها في الصنية وعليها البشاميل وتدخل الفرن

وتقدم بالف هنا

ودي طريقة تفريز القرنبيط علي الرابط

https://www.youtube.com/watch?v=lJc0q...

حلوي الموازييك الرائعة

حلوي الموازييك

حلوي الموازييك

الخطوه الاولى 

٣ باكو جيلى بالوان ونكهات مختلفه هندوب كل باكو فى كوبايه مايه واحده وندخلها التلاجه لحد يتجمدوا نقطعهم صغير .

الخطوة التانيه 

لتر حليب 

باكو كريم شانتيه 

٣ معلقه ك جيلاتين 

سكر للتحليه حسب الرغبه 

هنضرب كلهم على بعض فى الخلاط فيما عدا الجيلاتين هندوبه كويس فى نص كوبايه مايه دافيه وننزل به ع الحليب ونضرب تانى ونحط الجيلى الاولوان بعد ما قطعناه فى ارضيه قالب الثلاجه وننزل عليه بالخليط الحليب ويدخل التلاجه ليله وقبل التقديم نمشى القالب من بعيد ع النار كام ثانيه او نحطه فى مايه سخنه نص دقيقه ونقلبه على طبق التقديم

او

موزاييك الجيلى

• إعجاب
• 
  
  صورة

حلو خفيف وسريع ومرطب فى الحر وصحى

المكوّنات

1. 4 باكو جيلى الوان ليمون ومشمش وفراولة وكولا
2. 2 كوب ماء مغلى
3. 2 كوب ماء مثلج
4. 2 كوب حليب سايل
5. 2 م جيلاتين بودر
6. 2 م سكر

طريقة التحضير

1. ندوب كل نوع من الجيلى فى نص كوب ماء مغلى ثم نضيف نص كوب ماء متلج
2. نضع كل نوع فى علبة مبطنة بنايلون وعالتلاجةيجمد
3. ندوب الجيلاتين فى قليل من المية الدافية ثم عاللبن الدافى عالنار حتى يدوب ونطفى ويبرد

   
   

   1. نقطع الجيلى مربعات ونضعها فى قالب سيلكون او عادى ومبطن بنايلون
      نصب الحليب عليها وتدخل التلاجة تجمد
      تخرج وتقطع وتقدم بالف هنا

الطريقة الصحيحة لغسل اللحوم والدواجن والاسماك

غسل اللحوم والدواجن والاسماك

 كتير بيتكلم علي غسل اللحمة والكبدة والفراخ لا وكمان اللحمة المفرومة

 الطريقة الصحيحة هي :-

حنتكلم عن الموضوع دة بطريقة علمية وصحيحة لتجنب الطرق الغلط لان مش حينفع نقول احنا بنغسل الفراخ بالطريقة دي يبقي ينطبق علي اللحمة لاء طبعا اللحمة و الكبدة دي داخل جسم الحيوان مش معرضة للبكتريا والجراثيم الي متعرضة ليها الفراخ الفرخة دي عبارة عن الجسم كله من بره وجوه

غسل اللحوم :- 

اللحمة القطع الي بنجبها من الجزار واللحمة المفرومة والكبدة دي كلها معرضة للجراثيم والبكتريا بس مينفعش نغسلها ليه بقي عشان الدراسات الالمانية والدراسات البريطانية لاقيت ان غسيل اللحوم بكافة انواعها بتفقد جزء كبير من فائدتها الغذائية وكمان لو فيها بكتريا مياة الصنبور ( الحنفية ) بنشر البكتريا مش بتققلها طيب والحل ايه

الصدمة علي النار ياعني لو بنعمل لحمة نصدمها الاول علي النار وبعد كدة نسلقها ونفس الحكاية في الكبدة سواء متبلة او خلافه لازم تصدم علي النار واللحمة المفرومة نفس الحكاية طيب ازاي يعني اللحمة لما تتعرض لحرارة 70 درجة بتموت فيها البكتريا وميكروبات فلما تاخد الصدمة دي بتوصل لدرجة حرارة اعلي من 70 درجة فبتالي بتموت فيها اي ميكروبات والبكتربا وبعدها بننزل علي اللحوم بميا مغلية درجة حرارتها تقارب 100 درجة وهي درجة غليانة المياه فبتالي مفيش فرصة للميكروبات والبكتريا تعيش وتنتشر

غسيل الفراخ :-

بردوه غلط نغسل الفراخ بمياة الجارية لنفس الاسباب انتشار البكتيريا والميكروبات طيب الحل في الفراخ والطيور بصفة عامة ( الخل ) الخل قاتل للبكتريا بالنسبة الفراخ فهي جسم خارجي وليس داخلي زاي اللحمة مش حتفقد جزء كبير من قيمتها الغذائية وحتقلل نسبة البكتريا طيب الطريقة الصحيحة حسب الدراسات الالمانية والبريطانية حنحضر وعاء بلاستك فيه نص كوب خل و3 كوب ماء بنسبة 1 : 6 خل ومياه علي حسب الكمية وملح بس وبدا بشطف الطيور ومتتعداش 3 دقائق ياعني مننقعهاش فيها عشان متفقدش قيماتها الغذائية وتتصفي وتاخد صدمة علي النار زاي اللحمة بالظبطت لو متبلة او حتتقلي او حتتشوي او حتتسلق فكل الحالات حتتعرض للنار لدرجة حرارة اعلي من 70 درجة ودة المطلوب

غسيل السمك :-

غسل السمك تحت الصنبور عادي لان دة جسم مغلق حنبدا بتنظيف البطن وإزالة ما بها وإزالة الخياشين لان دي هي مصدر اي ميكروبات والجراثيم ثم نحضر وعاء بلاستك ونضع فيه نص كوب خل ومعلقة ص ملح لكل 3 كوب ماء 

ياعني نسبة 1 : 6 خل ومياه ومعلقة ملح ص لكل كوب مياه نغسل السمك فيه في وقت لا بتعدي 3 دقائق حتي لا يفقد السمك جزء كبير من قيمته الغذائية وممنوع النقع نهائي

ارق تحياااتي للمتابعة الراقية

Nour

نصايح مهمة جدااااااا لاسهل نظافة وترتيب

نصايح مهمة جدااااااا لاسهل نظافة وترتيب 

عشان متكرهيش المطبخ وتكرهي نفسك 

1ـ شيلى المولد اللى عالرخامة و ميتبقاش غير يادوبك الخلاط و الكاتيل و السكر و اخرك فى التوابل الملح و الفلفل الاسود غير كده اعملى قرار ازالة لأى حاجة عالرخامة و كله يتحط فى دولاب المطبخ

=-=-=-=-=-=-=-=

2ــ اوعى تقطعى حاجة عالرخامة سواء لحمة او خضار..تجيبى بلانشتين..واحدة للحمة و واحدة للخضار ويكون الفرق بينهم واضح منعا للخبطة..بتاعة اللحمة تتغسل كويس اوووى بعد ما تستخدميها

=-=-=-=-=-=-=-=

3ــ متشيليش حاجة لا فوق دولاب المطبخ و لا تحته...هتلم 


تراب بدهون يلزقوا فيها و هيبقى حالها صعب و بتعمل كركبة

=-=-=-=-=-=-=-=

4ــ المطبخ له فوطتين..فوطة تمسحى فيها ايدك لما تكون

 مبلولة و نضيفة (نضيييفة) يعنى بعد غسل المواعين..غسل

 خضار او فاكهة لكن مش بعد تقطيع او تتبيل لحمة!!! و هتكون


فاتحة عشان تاخدى بالك من وساختها اول بأول فتغسليها على

 طول مع باقى الهدوم....

و فوطة تانية تمسكى بيها الحاجات السخنة و برضه دى تتغسل

 كل كام يوم عادى مع غسيلك

و تفرقى بينهم يعنى مثلا تبقى واحدة سادة و التانية ملونة

ارجوكى فوطة المطبخ اللى ملامحها ضاعت و دايما لونها بنى

 غطيس مسود و ريحتها صعية جداااااا بتلزق فى الايد حتى لو

غسلتيها

بديتول دي إرميها حاااالا

و اى فوطة مسحتى بيها اي حاجة  تتغسل فى

 ساعتها على حوض المطبخ و لما تنشف تتحط تانى تتغسل فى

 الغسالة

و انسفى بقى فكرة انى امسح ايدى فى هدومى دى...حتى لو

 شايفاها نضيفة شكلا..لإنها اكيييد هتخلى هدومك تلقط ريحة 

بصل او توم او حتى ريحة صابون المواعين

=-=-=-=-=-=-=-=

5ًًــ الاطباق و الكوبايات ممكن غسيلها يتأجل..لكن الحلل و

 الصوانى مستحيييل..دهونها هتنشف عليها و هيبقى غسيلها 

صعب و لو استنصحتى و بليتيها هتعمل ريحة مش لطيفة

=-=-=-=-=-=-=-=

6ــ متغسليش المواعين اللى دهونها قوية او فيها بقايا صلصة 

او صوصات بالسفنجة لإنها خلاص كده تاخد استمارة 6 لإن 

بتتوسخ جدااا و بتلقط ريحة..اى حاجة فىها دهون يبقى بالسلكة

=-=-=-=-=-=-=-=

7ــ كل يوم او يومين الحوض نفسه تغسليه بالسلكة عشان 

بيبقى على حروفه بقايا اكل بتعمل ريحة مش حلوة مع المية 

اللى دايما طايلاه..بلاش السلك الرخيص عشان ده بيسيب صدأ

 على كل حاجة

=-=-=-=-=-=-=-=

8ــ الزبالة...ارجوكى بلاااش تبقى ملحوسة و متوسخة و طالع 

منها ريحة..مترميش فيها سوايل و لو حبكت تصفى السوايل دى

الاول و بعدين تحطيها فى كيس من جوه كيس.. وانتى ادرى 

بزبالتك و عارفة بترمى فيها ايه..لو فيها مواد عضوية كتير

 يبقى تتربط ربطة حلوة و تترمى على طووول عشان الريحة

=-=-=-=-=-=-=-=

9ــ اى لحمة او فراخ مطلعاهم يفكوا من الفريزر..يتسابوااا علي 

صفاية الحوض..عشان الدم و الافرازات بتاعتهم..لا يتحطوا فى

 طبق و يتسابوا عالرخامة يفكوا و لا فى التلاجة...عشان

 روايحهم بتمسك فى الحاجة

=-=-=-=-=-=-=-=

ارز بالكاري والكركم والخضروات من مطبخي بالكتابة و الفيديو

ارز بالكاري والكركم والخضروات

من مطبخي اليكم اتمني يعجبكم زوار مدونتي الكرام

اكلة جميلة وتنفع في العزومات 

متكاملة العناصر الغذائية

المقادير

2 كوب أرز 
2ملعقة كبيرة سمن او زيت
1 حبة كبيرة بصل ، مقطع مكعبات صغيرة
2/1 حبة متوسطة فلفل اخضر حلو، مكعبات صغيرة
2/1 حبة متوسطة فلفل أحمر حلو، مكعبات صغيرة
1 حبة كبيرة طماطم ، ناضجة، مقشرة، مفرومة
2/1 1 ملعقة صغيرة بهارات الكاري
1 ملعقة صغيرة كركم
2/1 1 ملعقة صغيرة ملح
3 كوب مرق دجاج او ماء
4/3 كوب بازيلاء، مجمدة

الطريقة

1) اغسل الأرز بالماء 
2) في اناء متوسط الحجم نسخن الزيت علي نار متوسطة نضيف البصل ونقلب لحد البصل ما يدبل 


3) اضيف الفلفل الأحمر والأخضر ونقلب لحد ما نحس انه بدا يدبل
4) نضيف الكاري والكركم والملح والطماطم ( بس انا محطتش طماطم ) 

5) نضيف الارز وتقلب كله مع بعض بالشكل ده لحد ما تختلط المكونات ببعض كويس

6) اضيف المرق او الماء واسيبها على نار قوية الى ان يغلي

7) ابدأ اخفف النار واغطي واسبها لمدة حوالي 15 دقيقة الى ان ينضج الأرز

8) أغسل البازيلاء والجزر في ماء ساخن ثواني وبعدين اصفيها من الماء
واحطها علي وش الارز واغطي بسرعة عشان البازيلاء تستوي
علي بخار الارز بالشكل ده
واسيبها حوالي 10 دقائق كمان علي نار هادية جداااااااا تكمل سواها

بعد كدة اجيب شوكة واقلب الارز بخفة عشان تختلط البازيلاء مع الارز
ونجيب بقي طبق التقديم والف هناوانا هنا كان عندي لحمة معصجة وقدمتها مع الارز
والوجبة بقت متكاملة وشكلها جميل
تعالوا نشوف صور التقديم

ودي صورة بتجمع فيها طريقة العمل والتقديم

وده  الفيديو

اررق تحيااااتي للمتابعة الراقية