بدائل في مطبخك

* بديل محسن الكيك اوالخبز.. الخل

*********
بديل الفانيليا بشر الليمون او البرتقال
*********

 * بديل الذبادى كوب حليب عليه ملعقه خل

*********

* بديل صلصه البيتزا استخدام الكاتشب

*********

* بديل دوا الكحه مشروب الزنجبيل الطازج رااائع وعن تجربه

*********

 * بديل البنجر فى اللفت لاعطاؤه اللون الاحمرورق الكركديه

*********

* بديل التونر للبشره ماء الورد

*********

* بديل قلى البانيه دهن صينيه تيفال ويوضع فيها ويرش زيت 

عالوجه مجرب صحى ورائع وموفر فى الزيت

*********

* بديل قلى الباذنجان والبطاطس الصوابع وضعها فى صينيه تيفال مدهونه بالزيت ورش زيت فوقها وبطلي قلى علشان صحتك وصحة اسرتك

*********

* بديل التنظيف المعتاد للازهار المجففه استخدام السيشوار فهو يطرد الغبار ويقوم بالتنظيف مع المحافظه عليه من التفتت والتكسر

*********

* بديل الشوكولاته لتغطيه الكيكات كميات متساوية من ( لبن - سكر ناعم - زيت ذره او دوار الشمس نوع كويس - كاكاو خام بكميه أقل شويه ) واضربيهم بمضرب البيض لحد ما السكر يدوب وسيبيها شويه في التلاجه ويبقى عندك أحلي شيكولاته سايحه ( أنا مجربها شخصياً ) روووووعه

*********

* بديل اشكال تزيين التورتوالجاتوهات استخدام سكاكر الاطفال(البونبون والشوكولا الملونه))بديل تقطيع الخضروات الورقيه بالسكينه استخدام المقص اسهل واسرع واضمن من غدر السكاكين

*********

* بديل الجيلى الجاهز عصير فاكهه مع جيلاتين

بديل الكريمه اللبانى فى الحلويات كريم شانتيه بودر او حليب+ذبده

ارق تحيااااتي

Nour

طريقة عمل النوتيلا في المنزل وتوفييييييييييييييييييييير

 

طريقة عمل النوتيلا

((  النوتيلا في البيت ))

  نوتيلااااااااااحلي وانصف من بره مليون مره وطبعاااااا السعر لا يقارن علبه وزنها 750 حرام......مكلفتش 20 جنيه وشوفي هتقعد معاكي أد إيه
المكونات .....
٥ جنيه كاكاو خام غامق من العطار
كيس نسكويك ب ٢ جنيه
٢ كيس لبن نيدو ب ٤ او ٥ جنيه
ه جنيه سوداني محمص مكان البندق وطلع اطعم علي فكره او كيس نسكافيه بالبندق للي عايز طعم بالبندق
كوبايه سكر بودره او عادي من غير طحن تلت اربع كوبايه وكيس فانيليا
كوبايه لبن ومعلقة زبده او نصف كوبايه زيت
اطحني السوداني في المطحنه ناعم ....وبعدين حطي عليه الكاكاو والنسكويك والسكر واللبن والفانيليا واضربي في الخلاط
وبعدين حطي الزيت شويه شويه ....
هتلاقيها بدأت تتماسك وتتقل معاكي
حطيها في البرطمان.....وفي الثلاجة.....وشوفيها ولا احلي
.....يارب تعجبكم
وبالهنا والشفا علي قلوبكم

طريقة عمل صلصة الطماطم

طريقة عمل صلصة الطماطم 

المقادير

=-=-=-=

3 كيلو طماطم مكعبات

١ بطاطس مكعبات

١ بنجر مكعبات

عصير ليمون

2م ك سكر

الطريقة

=-=-=-=

ضعي الطماطم في حلة علي نار عاليه وعليها البطاطس المكعبات و البنجر المكعبات و ملعقة كبيرة من عصير الليمون وامزجيهم مع بعض حتي تغلي ثم قومي بخفض النار واتركيها لمده ساعة 

اتركيها تبرد ثم قومي بضربها في الخلاط مع القليل من المياه 

ضعي الصلصة علي النار تأخذ غلوة

ضعي السكر علي النار حتي يتكرمل ثم ضعيه علي الصلصة وامزجيهم مع بعض

ضعيها في البرطمان وهي ساخنة ده غطاء حتي تبرد 

ضعي علي الوجه القليل من الزيت واتركيها في الثلاجة 

او قومي بتغطيتها بغطاء محكم جيدا واتركيها في الثلاجة والبرطمان مقلوب

قشر الليمون اوعي ترميه وتعالي اعملي بيه احلي مخلل الطريقة بالكتابة والفيديو

لو بتستعملي ليمون كتير جمييييييل تعالي اقولك ازاي تستفيدي من قشر الليمون

وبدل ما ترميه لا استفيدي بيه

والطريقة مكنوبة تحت الفيديو تابعووووووني

طبعا كلنا عارفين فؤائد الليمون وفؤائد قشر الليمون وعشان كدة تعالوا نعمل مخلل الليمون من قشر الليمون ونوفرررررر وده بقي توفير التوفيييييييييييييير

الطريقة :- اول حاجة بنجمع قشر الليمون في كيس في الفريزر ونحضر بقي بشر جزر وفلفل حامي وكام فص نوم ونسلق الليمون نصف سلق بلاش تهريه

وبعدين ندوب فيها ملح طب عاوزة تعرفى قد ايه؟

وبعدين تغلي ماية ونسبها تبرد خالص ودي ماية التخليل وياتري بقي ليه نغليها اصلا (( عشان متعملش ريم فوق المخلل )) تعااااااااااااالي

وهكذا لحد مالكمية تخلص وزعى فصوص التوم عالوش بس تكونى شاقاها

هاتى بيضه في درجة حرارة الغرفة وحطيها فيها هاتغطس زودى ملح وقلبى اول ماتعوم يبقى كده حدق المية ظبط معاكي تمام ونرص بقي في البرطمان... راق بشر جزر وراق فلفل وراق ليمون وحطى المية الى جهزناها قبل كدة وشوية خل

جربوه وادعولي والف هنا

وغطي البرطمان وبلاش تحطي اي حاجة تانية كمان حطي البرطمان بالمقلوب لمدة 3 ايام عشان الهواء يخرج وميكونش اي بكتريا نهائي وبعد كدة اعدلي البرطمان وسبيه 15 يوم وبعدين افتحي عليه وشوفي اجمل مخلل ليمون زي العسل ومش حتصدقي انه من قشر الليمون

ومتنسوش لايك وشير ,Subscribe

كل الشكر لمتابعتكم الرقيقة

طريقة عمل الصابون من الزيت المستعمل

طريقة عمل الصابون من الزيت المستعمل

المقادير:

لتر ونصف زيت مستعمل

كيلو دقيق

ربع كيلو صودا كاوية (البوتاس)

ملعقة كبيرة ملح

ملعقة كبيرة كربوناتو

2 ملعقة كبيرة عصير ليمون

ملعقة كبيرة جلسرين

ملعقة كبيرة ريحة ليمون

نصف لتر مياه دافئة

الطريقة :- 

في البداية يجب ارتداء الجوانتي قبل العمل 

ثم قومي بوضع مياه دافئة في طبق بلاستيك وعليها الصودا الكاوية و ابعدي وجهك عن الطبق قليلا و امزجيهم مع بعض ب عصا خشب ثم ضعي الزيت المستعمل واستمرى بالتقليب وبعدها ضعي ملعقة كبيرة من الملح ثم الكربوناتو والجلسرين وعصير الليمون وعاودي التقليب 

بعدها ضعي الدقيق علي مراحل مع التقليب مع وضع ريحة الليمون الي ان تصلي لقوام سميك 

وفى صينية ضعى كيس بلاستيك اسفل الخليط وضعى الخليط عليه واتركيه ينشف لمدة 3 ايام

فى اليوم التانى قومى بتقطيع الصابون واتركيه ينشف لليوم التالت

الطريقة المُثلى لطهي البقول

الطريقة المُثلى لطهي البقول بحيث تطهى القشرة والداخل بنفس درجة التسوية

- أفضل الطرق هو نقع البقول في ماء ساخن لنعيد الرطوبة 

إليها ونُقلل مدة الطهي، وهذه الخطوة تساعد أيضا على سهولة 

الهضم والتخلص من بعض المواد التي تسبب الغازات عند 

تناول البقول.

- تغسل البقول جيدا وتوضع في إناء كبير ونتأكد من وضع 

خمس أضعاف كمية البقول ماء فإذا أردنا تسوية 1 كوب من

 البقول فعلينا إضافة 5 أكواب من الماء، ونبدأ بغليها لمدة خمس

دقائق ثم تبعد عن النار وتُترك على الأقل ساعة ولكن يُفضل أن 

تُترك لمدة أربع ساعات إذا أمكن، فكلما زادت المدة كان ذلك

 أفضل.

- نتخلص بعد ذلك من الماء ونضيف ماء جديد بحيث يغطى

البقول بحوالي 2 سم، ويمكن لنا أن نضيف ملعقة من الزبد في

هذه الخطوة وهذا يساعد على إيقاف الرغوة التي تنتج أثناء

 الغليان وكذلك الفوران، كما يُمكن إضافة بعض التوابل كالهيل أو

 ورق الغار مع تجنب إضافة أي أملاح أو حمضيات 

(خل، ليمون، طماطم) لأن هذه المواد تجعل البقول صلبة.

- تُترك لتغلي لمدة عشر دقائق ثم تُخفف الحرارة وتُترك على نار

هادئة لمدة ساعة ونصف، ونختبر نضج البقول بالضغط عليها

بأطراف الأصابع.

- وأخيراً يجب مراعاة أن طهي كوب من البقول الجافة سينتُج

 عنه ثلاث أكواب من البقول المطبوخة.

تحيااتي

Nour

طريقة عمل اللانشون في المنزل في الكوبايااااااات

طريقة عمل اللانشون في الكوبايااااااات

طريقة سهلة جدا ونتيجة رائعة

المقادير:

3 م ك دقيق 

3 قطع جبنة مثلثات

3 بيض

2 م ك لحمة مفرومة

3 فص ثوم

2 بنجر مسلوق

ملح وفلفل وبهارات لحمة 

م ص (بصل بودر _ثوم بودر )

م ك بابريكا

نصف كوب زيت

الطريقة :

امزجى فى الخلاط البيض والجبنة مع بعض ثم ضعى الثوم والبصل البودر والثوم البودر وبهارات لحمة والملح والفلفل بعدها ضعى البابريكا والبنجر المسلوق واللحمة المفرومة وامزجيهم مع بعض جيدا ثم ضعى الدقيق واخلطى وبعدها الزيت

تأكدى اولا من تحمل الاكواب للسخونية او استخدومى المج الصيني 

ادهنى المج بالزيت ثم ضعى خليط اللانشون واتركى ربع الكوب فارغ  

فى حلة على النار بها مياه بتغلى و حبهان ضعى اكواب اللانشون لمدة ساعة مغطاة 

بعدها اتركيه يهدأ ثم ضعيه فى التلاجة لليوم التالى

زيت الطعام المستعمل وكيفية الاستفادة منه اعادة تدوير لاستخدامه

زيت الطعام المستعمل وكيفية الاستفادة منه

اعادة تدوير لاستخدامه

وكمان توفييييييييييير ومن غير تقصييييييييييييييير

تعالوا نشوف

مقدمة

زيت الطعام لا يمكن الإستغناء عنه في كل بيت  فهو مهم جدا ومن الضروري تواجده في كل مطبخ ومن المستحيلات أن تجد مطبخ يخلو من زيت الطعام فيه تتم عملية الطهي وبه يتم القلي سواء للدجاج أو للسمك أو لغير ذلك من الأكلات ذات الطعم الرائع والمميز لذلك فهو عنصر أساسي وهام وضروري جدا تواجده في كل مطبخ وفي كل بيت

ولكن بعد كل عملية طهي يتبقي في النهاية كمية لا بأس بها من زيت الطعام والتي تحتار سيدة المنزل في كيفية التخلص منها فإلقائها في حوض المطبخ يعمل بكل تأكيد علي إنسداد الحوض وهي مشكلة حتما كبيرة وصعب التخلص منها إلا بصعوبة لذلك سوف اقدم لكي اليوم طرق بسيطة لكيفية إستغلال زيت الطعام المستعمل أفضل إستغلال

واقدم لكم طريقتين للاستفادة من زيت الطعام المستعمل

الطريقة الاولي

يمكنك أن تستغلي الزيت المستعمل في عمل صابون لتنظيف الحلل والصحون وذلك كالآتي–

تحتاجين إلي مايلي-

5أكواب من زيت الطعام المستعمل

ربع كيلو بوتاس

كوب من الدقيق

والطريقة كالآتي-

قومي بتذويب البوتاس في القليل من الماء جيدا

قومي بإضافة البوتاس المذاب إلي الزيت المستعمل والمصفي جيدا تدريجيا مع مراعاة التقليب المستمر بملعقة من الخشب أو البلاستيك

قومي بإضافة الدقيق تدريجيا مع مراعاة التقليب المستمر

إستمري في التقليب حتي تحصلين علي قوام غليظ ومتماسك

إتركيه قليلا ثم صبيه في قوالب الصابون وإتركيه حتي يجف تماما ويصبح صلب

والآن يمكنك إستخدام الصابون المصنوع من زيت الطعام المستعمل

طريقة اخري لتصنيع الصابون

واختاري ما يناسبك

الطريقة بجيب لتر ونص زيت طعام

 (زيت الطعام المستعمل )ونص كيلو دقيق.وربع كيلو صودا.... واتنين كوب ماء..جلسرين وريحة ليمون.

التحضير...ندفى الزيت شوية مش كتير ويوضع في جردل ونضيف علية الدقيق ويقلب لحد ما يختفى الدقيق خالص

ونجيب جردل تانى ونضع الماء وعلية الصودا ويقلب براحة وخدى بالك قلبى بعصاية خشب واحذرى منة...وبعد كدة يقلب الصودا على الزيت ونستمر في التقليب

هتلاقى الخليط بيتقل شوية شوية حطى بقى شوية جلسرين وشوية ريحة ليمون وساعات بحط غطاء داونى

بعد ماتقل تجيبى اى كرتونة مفرودة من بتاعت اطقم السرير وافرشيها كيس وحطية فيها وسيبية بقة لحد ما يشد شوية وبعد كدة قطعية....خدى بالك متحطيهوش ف اى حاجة معدن والا تقلبية باى حاجة معدن

الطريقة الثانية لاستخدام الزيت المستعمل

أولا يمكنك أن تقومي بتنظيف الشفاط الكهربائي بإستخدام زيت الطعام المستعمل وذلك كالآتي-

في وعاء قومي بوضع كمية من الماء والقليل من صابون التنظيف وسخنيها قليلا ثم قومي بإطفاء النار عليها

قومي بنقع أجزاء الشفاط بعد فكها في الماء الساخن لربع ساعة

ضعي الزيت المستعمل في إناء وضعيه بجانبك

قومي بإنتشال أجزاء الشفاط من الماء ثم قومي بغمس سلك مواعين في زيت الطعام المستعمل الموجود بجانبك

قومي بدعك الدهون المتراكمة علي الشفاط بإستخدام سلك المواعين المبلل بزيت الطعام

ستلاحظين أن الدهون قد أزيلت بكل سهولة وعاد إليكي الشفاط كالجديد في دقائق

وكمان السيراميك

حتجيبي سلك وتحطي عليها زيت او بواقي الزيت وتدعكي السيراميك حتلاقيه بينضف بسرعه تدعكي وتمسحي بحتت قماشة بدون ما تحطي ميه لو حطيتي ميه حيبوظ وما ينضفش ممكن بعد ما تمسحيه بالقماشه تغسليه لو حابه و للشفاط وللبانيو والحنفيات والبوتوجاز والحوض والقعده يديكي نظافه تحفه اهم حاجه من غير ميه وجربي

تمنياتي بالاستفادة للجمييييييييييييييع

كل الشكر للمتابعة

Nour

تخزين الطماطم مع طريقة عمل الصلصة وحاجات كتير (توفير بدون تقصير )

 تخزين الطماطم مع طريقة عمل الصلصة

وحاجات كتير (توفير بدون تقصير )

الطماطم اليومين دول رخيصه ممكن تعملى اكتر من حاجه وتخزنيها 

١)الصلصه البيتى

بتغسلى الطماطم وتقطعيها ومعاها بنجرايه صغيره وسبيها على نار هاديه من غير مايه وبعدين ضيفى م ك سكر وم ك نشا ولما تتقل خالص طفى النار واضربيها فى الخلاط وصفيها واحفظيها فى برطمان زجاج فى الفريزر وغطى البرطمان بعد مايبرد خالص

٢)تسبيكه مكرونه ،

تضربى الطماطم المغسوله والمتقطعه فى الخلاط مع فصين توم وفلفل حامى او بارد حسب الر غبه بس بيدى نكهه حلوه حتى لو بارد وتصفيها وتحمر بصل وتوم وضيفى عليه الطماطم ولما تتسبك زودى ملح وفلفل وكسبره ناشفه ..ولما تبرد احفظيها فى برطمان او علبه 

٣)خلطه المحشى 

اضربى الطماطم مع البصل فى الخلاط وبعدين ضيفى الخضره المتقطعه عليهم واحتفظى بيها فى اكياس فى الفريزر ولما تطلع ضيفى الرز بس وحتسهل عليكى وقت ومجهود للمحشى

٤)تسبيكه الخضار 

بتحمرى البصله فى زبده وزيت مع حته لحمه ملبسه او قطعه دهنه وتضيفى الطماطم مضروبه فى الخلاط ومتصفيه وتسبكيها وتحتفظى بيها وقت الحاجه 

٥)تسبيكه توم: بتصفى التوم وتنزلى بعصير الطماطم وتتسبك ودى تنفع للمسقعه والسمك والكانيلونى والخرشوف والبطاطس المحشين 

٦) عصير الطماطم :ممكن تحتفظى بيها مضروبه فى الخلاط ومتصفيه فى اكياس على اد الطبخه وطلعيها وقت ما تحتاجيها

٧)الكاتشب: كيلو طماطم نزليهم فى مايه مغليه دقايق وانزعى قشرتها 

ضيفى عليها نص كوب خل وربع كوب سكر وم ص ملح ونص م ص فلفل وكوبايتين مايه وسبيه على النار لغايه ماتتقل وبعدين اضربيها فى الخلاط ورجعيها على النار تانى ودوبى معلقتين نشا فى شويه مايه ونزليهم على الطماطم واحتفظى بيهم فى برطمانات

كل الشكر للمتابعة

Nour

اسرار مطبخية لكل ست بيت

تعالي اقولك شويه اسرار المطبخ. .....

1... عايزه تعرفى البكنج بودر كويس ولا لا ... رشى شويه منه على مايه لو عمل فوران يبقى كويس لو لا ارميه على طول 

======

2....لو عاوزه بصل التقليه يطلع مقرمش ضيفي عليه رشه ملح ورشة دقيق هيطلع معامي مقرمش وجميل وحطيه في مصفاة يتهوي من تحت ومن فوق

=======

3....لو الملح زاد فى الاكل ..ضيفى قطعه بطاطس او تفاح وشيليها عند التقديم بيقلل الملح باذن الله 

=======

4...عند سلق الخضار السوتيه ضيفى معلقه سكر وبلاش ملح خالص بيخلى الخضار لونه ميغيرش وياريت متغطيش الاناء الى بتسوى فيه

========

5...لو الرز شاط منك شيليه فى حله تانيه على طول وضيفى عليه مكعب بطاطس بيقلل من ريحه الشياط باذن الله

6...نصيحه لو بتسلقى مكرونه متغسلهاش صفيها ورجعيها الحله تانى وضيفيلها معلقه زبده او زيت ذره بجد بتفرق فى الطعم خالص

========

7...لتعزيز نكهه البهارات حمصيها على النار شويه قبل الطحن هتفرق 

=========

8...ضيفى شويه خل على صابون الاطباق وشوفى اللمعان وانسى اى ريحه زفاره فى الاكواب

=========

9....اغسلى الفلتر بتاع المكنسه بمنعم الغسيل ...وانتى بتكنسى هيغير ريحه البيت

=========

10....لو هتقلى فراخ بانيه او اسكلوب ضيفى للبقسماط معلقه نشا وبكنح بودر وشوفى القرمشه

=========

11....لو الستاير مش بتعرفى تشيليها البرقع نفضى التراب الى عليها اعملى خلطه فى بخاخه مكونه من خل ومايه منعم ورشى عليها وسبيها تنشف وشوفى الريحه والزهزه

=========

12...لو عندك حاجه عليها حبر متغسيليهاش هاتى قطعه قماش عليها كحول ابيض من الصيدليه وحطيها فوق البقعه من غير ماتدعكيها وباذن الله تروح

=========

13... لتنضيف الشنط البيضه الى باظت من العبايه امسحيها بقطعه قطن بالاسيتون

=========

14...عند بشر الجبنه امسحى المبشره بالزيت الجبنه من هتلزق وهتتبشر بسهوله

========= 

كل الشكر للمتابعة

Nour

طريقة عمل صويا صوص بالمنزل (توفير بدون تقصير )

 صويا صوص

طريقة عمل صويا صوص بالمنزل (((توفير بدون تقصير )))

الحاجة بقت غالية جدا تعالوا نعملها اوفر

وخلي شعارنا دائما

توفير بدون تقصير

المقادير

====

4/1 كيلو ماء مغلى

فول صويا بودر=2معلقه كبيره 

خل احمر =2معلقه كبيره 

عسل اسمر= 2معلقه كبيره 

فلفل =1معلقة صغيرة 

زنجبيل بودر= 1معلقة صغيرة 

1 مكعب مرق

طريقه التحضير

1-فى اناء على النار فى ماء مغلى نضع خل احمر وعسل اسود وفلفل والزنجبيل ومكعب مرق وفول صويا ونسيبه يغلى ونقلبهم بمضرب سلك لحد ما نحصل على القوام المطلوب

2-فى برطمان نصب الصويا صوص

3-ويقدم وبالف هنا وشفا

يستخدم في العديد من تتبيلات الدجاج وشوي اللحوم وبستخدمه لتتبيلة البفتيك والبيكاتا والصوص البني روعة

كل الشكر للمتابعة

Nour

التوفير في المنظفات والسر في ملح الليمون

 التوفير فى المنظفات

و

السر في ملح الليمون

"""""""""""""""""""""""""""

السر فى (ملح الليمون) من اى عطار

استخداماته :

1- لو عندك كاتيل استانلس ستيل بتعمل طبقه جير ابيض كده وساعات قشور بيضا من جوه

ملعقتين صغيرين ملح ليمون ومع نص كوب ميه وشغلى الغلايه بعد ما تغلى سيبيها شويه تبرد وتتنقع وبعدين اغسليها بالصابون العادى

حتلاقيها بتبرق زى الجديده

2- وعيون البوتاجاز لو نقعتيها من بليل فى ميه مغليه فيها ملح لمون وكربوناتو وشويه صغيره ديتول الصبح بالسلك على خفيف حتلاقى العيون جديده نوفى

3- الحنفيات بتاعه المطبخ والحمام لو غسلتيها بملح لمون حتكون بتبرق زى الجواهر بالظبط مراياااا

4- مسحوق الاتوماتيك اعملى جردل مخصوص للغسيل الابيض

هاتى السايب واشترى نص كيلو ملح لمون

واضيفها على المسحوق واقلبيهم على بعض للغسيل الأبيض فقط

اولا مفيد جدا للغساله لانه بيمنع التكلس اللى بيحصل من المسحوق العادى وكمان بيخلى الابيض روعه واستخدمى كميه اقل لان ملح الليمون بيبيض وينضف اكتر من لو بتستخدمى المسحوق لوحده للغسيل الأبيض

5- لو عندك سيراميك فى المطبخ او الحمام سواء فى الارض او فى الحيطه حوالين الشفاط مع الوقت حواليه الجبس الابيض الجميل ده بيتحول للون الاسود وبيبقى السيراميك نضيف لكن حواليه اسود

عشان تخليه زى الجديد وكانه سيراميك متركب لسه حالا دلوقتى حتغلى ميه على اد المساحه فى الارض اللى حتنضفيها وتحطى فيها نص كوب ملح ليمون وشويه ديتول و فرشه بلاط بايد طويله المهم تكون خشنه او فرشاه اسنان قديمه لو تقدرى تجيبى كرسى حمام وتقعدى عليه وبفرشاه الاسنان الميه المغليه مع ملح الليمون حترجع لك السيراميك حواليه ابيض زى الياسمين وكانك حالا مركباه ولسه الصنايعى ماشى دلوقتى بعد التركيب حتذهلى من النتيجه وبعدها بشويه داونى او اى صابون فيه رائحه زكيه بتمسحى مسحه كمان وممكن لو جلانس الزجاج تدى تلميعه للسيراميك فى الاخر اتفرجى على الروعه والريحه وتوفير الصابون وكمان نضافه ولمعان وبريق مريح للنفسيه وانشرح فى المكان كله

بعد كده مش بتحتاجى غير مره كل فتره لو الجبس الابيض رجع يسود تانى

و عشان التوفير لو عندك الغلايه وبتغسليها بملح الليمون بانك بتغلى الميه جواها قبل ما تبرد بترشيها على الارض فى الحته اللى اسودت بس وبفرشاه البلاط او فرشاه الاسنان بتعمليها بدال ما تحضرى ميه مخصوص يبقى يوم تنضيف الغلايه بتنضفى الارض 

اتمني يعجبكم الموضوع

كل الشكر للمتابعة