ملح الليمون هو الحل و بجنية واحد بس

 ملح الليمون هو الحل  و بجنية واحد بس

=-=-=-=-=-=

الحل بجنية واحد بس ممكن يكفيكي اسبوعين تلاتة كمان

ولا تقوليلي كربوناتو وخل ولا كلور

هو ملح الليمون هو الحل

 من عند العطار بجنية مثلا ونحط نصه في بخاخة ونملاها ميه

 سخنة وشوية صابون سايل

و نرش الصينية اللي عايزين نغسلها من جميع النواحي

 ونسيبها بس 3 دقايق وبعدين نجيب حتة سلك جديدة ونغسلها 

بقي

هتشوفي الرغاوي بتزل كل السواد والصفار الللي في الحاجة 

وهتلاقيها بتلللللللللللللللللللللللللللللللمع وجربي

وممكن بردو تغسلي بيها الكوبايات والاطباق عادي وهتلاقيها 

بتزيق من النضافة واللمعان

وهاقولكم بقي علي استخدام تاني ليه تحففففففففففففففففه 

وينفعك جدااا

تعملي بيه البوتاجاز وبيخليه كانه جاي بكرتونته لسه

وبيبقي فيه دهون لازقة علي الحيطة جمب البوتاجاز بردو 

ترشيها وتجيبي سكينة المعجون  بجنية بردو واعملي بيها 

الحيطة او السيراميك وبيسيحها في5 دقايق

ولما تخلصي بقي المطبخ وتخليه يبروؤ

تروحي جايبة نص ليمونة عادية وتعصريها في كف ايديكي

 وتحطي معلقة سكر وتدعكي تدعكي لحد ما السكر يدوب

 وتدعكي بقشرة الليمون وبعدين اغسلي ايدكي بقي وشوفي 

النعومة والبياض

وياريت تعملي كده كل ما تستخدمي ملح الليمون ده علشان ايدك

 ما تسودش ولا تخشن من غسيل الحاجة