الديك الرومي
انقعي الديك المتنضف في ميه وخل
اغسليه كويس بالملح والدقيق
اشطفيه كويس وادعكيه بالملح وليمون كتير من جوه وبره واتركي قشر الليمون جواه واكفيه على وشه لايقل عن ساعتين
ينزل كل الدم وياخد ريحة الليمون واشطفيه كويس جدا
ابشري 3 بصله كببره وخدي الميه فقط مع بشر 2 طماطمه كبيره بشر ناعم
و 2 علبة زبادى صغيره
و4 ملعقه كبيره خل وملح وملعقة صغيره فلفل اسود وبصل بودر وثوم بودر ورشة جوزة الطيب ونصف ملعقة صغيرة جنزبيل بودر
و حبهان مطحون وورق لورا مطحون وروز مارى مطحون
واخلطي كل المكونات وتبلي الديك كويس جدااااا من جوه وبره
وابشري جزره واخلطيها ببشر البصل وجزء من خليط التتبيله ودخليهم جوه الديك
اتركي الديك متبل مش اقل من 5 ساعات
سخني الفرن كويس على درجة فوق المتوسط
ونزلي الديك في صينيه عميقه وواسعه مناسبه لحجم الديك وبها بصل مقطع كبير وجزر وفصوص توم وقطع كرفس افرنجي وورق لاورا و صغيره سليمه وممكن 1 كوسه وتبليهم من نفس توابل الديك
وضيفي في قاع الصنية 2 كوب ماء بيغلي وغلفى الصنية كويس جدا بالفويل اكتمي البخار
ودخليه الفرن وكل ساعه اكشفى عنه الفويل
وخدي من قاع الصينية سائل وبللي الديك واكتمي البخار بالفويل
واول ماستوى ارفعي الفويل
وبفرشة ادهني الديك كويس بمعلقة كبيرة زبدة سايحة رشة زعتر وروز مارى مطحون وفلفل اسود وملعقه كبيره عسل اسود ورشة ملح وعصرة ليمون ودخليه الفرن
ياخد لون دهبي غامق حلو
وخرجيه يبرد شويه وقطعيه بسكينه حاميه جدا
واضربي الخصار الموجود مع الديك و السائل المتبقي وصفيهم واغليهم مع ملعقة صوص بني وقدميهم مع الديك
وبالف صحه وعافيه
ملحوظه
ممكن بعد غسل الديك تدعكيه بالملح والليمون وبعد ما يصفي دمه تحفظيه بالفريزر
وممكن تتبلي الديك وتنزليه في الصينيه وتتركيه بها من بليل في التلاجه
الديك الرومي له ريحه اهتمي بتنضيفه كويس
لازم الديك يستوي كويس جدا لعدم ظهور زفارة
والف هنا
ليست هناك تعليقات:
إرسال تعليق