طريقة عمل التونة فى المنزل

طريقة التونة فى البيت انضف واحلى من بتاعت برة ونضافه ومن غير مواد حافظه 

التونة البيتي

طبعا كلنا بنحب التونة وبنشتريها من المحلات بس طبعا فيها مواد حافظة فاحسن حاجة نعملها في البيت انضف واوفر وبسمك التونة العادى اللي كلنا عارفينه

المكونات

كيلو سمك تونة

كوباية زيت 

نص كوبايةخل 

ليمون 

بصل مقطع 

بقدونس وكسبرة خضرة وكرفس 

توابل سمك من العطار 

زعتر 

ملح

الطريقة 

هتنضفي السمك كويس اوى وتشيلي الراس والخياشيم وتشطفيه وتحطيه في مصفة يصفي ميته خالص لمدة ساعة 

وبعد كدة تقطعي السمك قطع كبيرة يعني السمكة علي تلاتة وتحطيه في ميه بخل وليمون عشر دقايق وتطلعيه من الميه وتبلي قلبه بملح خفيف وتحطيه في المصفة تاني وتجيبي حلة عالنار فيها ميه بتغلي وحطي فيها البصل والبقدونس والكسبرة والكرفس وتوابل السمك والزعتروحطي عليها المصفة بالسمك وغطي المصفة وسبيه يستوى علي نار متوسطة ساعة الا ربع وبعدين طلعيه يبرد شويا وفصصيه وشيلي الشوك منه واهرسيه بشوكة وعليه كوباية زيت ونص كوباية خل وعصير ليمونتين ظبطي الملح ومعلقة شطة وحطيه عالنار ربع ساعة علي نار هادية جدا واطفي عليه ولما يبرد حطيه في علبة تلاجة او برطمان وفي التلاجة وبالف هنا وشفا

باستا الدجاج

باستا الدجاج

المقآدير 

مكرونة

صدر دجآج مقطع مكعبآت صغيرة

ملح + بهآرآت

زعتر + مكعب مآجي

جبنة شيدر مبشورة

لـ الصلصة 

قشطة + حليب سآئل

الطريقـة 

نسلق المكرونة , في قدر نحط زيت وفوقه الدجآج والبهآرآت

والملح والزعتر ومكعب المآجي , نحركه لـ حد مآ الدجآج ينضج

نخلط القشطة مع الحليب ونصبهآ ع الدجآج ونحط عليهم المكرونة 

نحط الشيدر ونحرك المكرونة لحد مآ الشيدر يذوب .. نحطهآ في طبق وبس والف هنا وصحه

البسبوسه بالقشطه بطريقه ولا اسهل وطعم ولا اجمل

البسبوسه بالقشطه بطريقه ولا اسهل وطعم ولا اجمل .يمى ❤

البسبوسه 

٣ كوب دقيق سامولينا (سميد )

٣/٤ كوب سكر 

٣ معلقه ك عسل ابيض

١.٥ كوب زبادى 

٣/٤ كوب سمنه بلدى سايحه 

١ معلقه ك بيكنج بودر .

نقلب السميد مع السمنه لحد تاخد شكل رملى نضيف باقى المقادير ونقلب براحه لحد تتقلب تماما نوزع معلقه طحينه فى ارضيه صينيه الفرن ونحط طبقه رفيعه من البسبوسه وتدخل الفرن درجه حراره ٢٠٠ اول ما الاطراف تبداء تحمر نطلعها نوزع عليها القشطه الكدابه ونغطيها بالبسبوسه وتدخل الفرن لحد تستوى تطلع سخنه نوزع عليها شربات خفيف سخن ونغطيها نص ساعه .

القشطه الكدابه 

٢ كوب حليب 

٤ معلقه ك نشا

٤ معلقه ك سكر 

فانيليا

٣ معلقه ك قشطه 

هندوب النشا والسكر فى الحليب ونطحها ع النار ونقلب لحد تتقل نضيف الفانيليا والقشطه ونقلب كويس نرفعها من ع النار ونسيبها تبرد .

للشربات 

٢ كوب ماء

٢ كوب سكر 

معلقه ك سمنه 

عصير نص ليمونه 

نحط الماء والسكر ع النار يغلى اول ما يبداء يتقل ننزل بمعلقه السمنه وعصير الليمون غلوتين وننزل به ع البسبوسه سخن . وبالف هنا 

طريقة عمل الرز المبهر باللحمة المفرومة

الرز المبهر باللحمة المفرومة 

ينفع فى العزايم جداااااا و سهل اوى و سريع

المقادير بقى : 

نص كيلو لحمة مفرومة. .

بصلاية متوسطة متقطعة صغير. .

معلقة صغيرة لكل من : الملح و الفلفل و حبهان مطحون و السبع بهارات أو بهارات عادية و رشة جوزة الطيب. .

مقادير الرز ::

2 و نص كوب رز مصرى أو بسمتى 👍 

معلقة سمنة .. معلقة زيت ...

معلقة صغيرة لكل من. .ملح و فلفل و حبهان مطحون و بهارات عادية و نص معلقة صغيرة من القرفة 👍. 

و التزيين بالبقدونس المفروم و اللوز المحمر. ..

الطريقة

صينية على النار من غير ولا نقطة زيت أو سمنة و انزلى باللحمة المفرومة. ... اللحمة المفرومة فيها دهن كفاية و هتتعصج من غير اى زيت أو سمنة ...

 هنا الدهن بتاع اللحمة نزل و هتتشوح منها فيها. ...

أول ما اللحمة تاخد لون انزلى بالبصل و قلبى ..

و عليهم توابل اللحمة المذكورة في المقادير

و كدة خلاص اللحمة اتعصجت و اتحطلها التوابل و كلة تمام 👍👍اركنيها على جمب بقى ...

هاتى حلة فيها معلقة سمنة و معلقة زيت و انزلى بالرز .. انا حطيت سمنة علشان طعم الرز و حطيت زيت علشان الزيت بيساعد على فلفلة الرز 

قلبية مع السمنة و الزيت دقيقتين. .

و حطى التوابل بتاعت الرز اللي فى المقادير

قلبى الرز بالتوابل دقيقة كمان ...

و انزلى بقى باللحمة المفرومة

و انزلى بالمية السخنة و مدام هنستخدم مية يبقى هنحتاج مكعب مرقة. . و لو عندك شوربة هتبقى أحلى طبعااا ... عوزين المية تغطى الرز ب عوقلتين صباع 

أول ما الرز يشرب ميتة شوية زى الصورة انقلية على نار هادية جداا و تحتيها شياطة و سبية يستوى تقريبا ربع ساعة و هيكون استوى أن شاء الله 

يا عينى استوى اهوووووو

 

مفلفل و مستوى و ريحتة خطتشييييرة 

فى قالب كيك أو صينية و حطى الرز فيها علشان نقدم الرز

 بشكل جميل و زينتة من فوق بشوية لحمة مفرومة على الوش

 مع البقدونس المفروم و شوية لوز حمرتهم فى معلقة زيت بس

 

يا دوب يلمعوا و بس خلاص 😃اكلة سهلة جدااااا و لذيذة اوى

 بجد ... و فى العزايم هتبقى روعة. .. جربوهااااا ❤

😄😂

😄

طريقة عمل طاجن مكرونة باللحمة المفرومة

طريقة عمل طاجن مكرونة باللحمة المفرومة

=-=-=-=-=-=-=-

طاجن المكرونه باللحمه زى بتاع محلات الكشرى بالضبظ علشان فى ناس كتير بتحبه كده يلا نشوف

**ﺍﻟﻤﻜﻮﻧﺎﺕ**

1/2 ﻙ ﻣﻜﺮﻭﻧﺔ ﻣﺴﻠﻮﻗﺔ ﻓﻲ ﻣﺎﺀ ﻭﻣﻠﺢ ﻧﺼﻒ ﺳﻠﻘﺔ

ﺭﺑﻊ ﻣﻌﻠﻘﺔ ﻓﻠﻔﻞ

نصﻡ ﺹ ﻛﻤﻮﻥ 

4 ﻓﺺ ﺛﻮﻡ ﻛﺒﻴﺮ ﻣﺒﺸﻮﺭ

4 ﻣﻼﻋﻖ ﺧﻞ ﻛﺒﻴﺮﺓ

3 ﻟﻴﻤﻮﻧﺔ ﻣﻌﺼﻮﺭﺓ

ﻣﻠﺢ ﻭﺑﻬﺎﺭﺍﺕ 

ﺑﺼﻠﺔ ﻗﻄﻊ

ربع ﻛﻴﻠﻮ ﻟﺤﻢ ﻣﻔﺮوﻡ 

نصف ﻛﻴﻠﻮﻃﻤﺎﻃﻢ ﻣعصورة )

ﻣﻌﻠﻘﺔ ﺻﻠﺼﺔ ﻃﻤﺎﻃﻢ ﻛﺒﻴﺮﺓ 

ﻣﻜﻌﺐ ﻣﺮﻗﺔ)

طريقة التحضير :

1-ﻧﺸﻮﺡ ﺍﻟﺒﺼﻠﺔ ﻓﻲ ﺯﻳﺖ ﺍﻭ ﺯﺑﺪﺓ ﻣﻊ ﺯﻳﺖ ﺛﻢ ﻧﻀﻴﻒ ﺍﻟﻠﺤﻢ ﺍﻟﻤﻔﺮﻭﻡ ﻣﻊ ﺑﻬﺎﺭﺍﺕ ﻭﻓﻠﻔﻞ

ﺍﺳﻤﺮﻭﻧﻐﻄﻴﻬﻢ ﺣﺘﻲ ﺗﺼﺒﺢ ﺍﻟﻠﺤﻤﺔ ﻟﻮﻧﻬﺎ ﺑﻨﻲ.

2-ﺛﻢ ﺗﻀﺎﻑ ﺍﻟﻄﻤﺎﻃﻢ ﻭﻧﺘﻜﻬﻢ ﻳﺘﺴﺒﻜﻮﺍ ﻧﺼﻒ ﺗﺴﺒﻴﻜﺔﻣﻊ ﻣﻜﻌﺐ ﻣﺮﻗﺔ ﻭﻣﻌﻠﻘﺔ ﻣﻌﺠﻮﻥ

ﺻﻠﺼﺔ ﻃﻤﺎﻃﻢ

3-ﺗﺠﻬﻴﺰ ﺩﻗﺔ ﺍﻟﺜﻮﻡ (4 ﻣﻌﻠﻘﺔ ﺧﻞ +ﻋﺼﻴﺮ ﻟﻴﻤﻮﻥ +ﺷﻄﺔ+ﺛﻮﻡ ﻣﺒﺸﻮﺭ +ﻛﻤﻮﻥ +1/4 ﻛﻮﺏ ﻣﺎﺀ)ﻧﺨﻠﻄﻬﻢ ﺛﻢ ﻧﻀﻴﻔﻬﻢ ﻋﻠﻲ ﺍﻟﺼﻠﺼﺔ ﺑﻌﺪ ﻣﺎ ﺗﺘﺴﺒﻚ.

4-ﺛﻢ ﻧﺨﻠﻂ ﺟﺰﺀ ﻣﻦ ﺍﻟﺼﻠﺼﺔ ﺑﺴﻴﻂ ﻋﻠﻲ ﺍﻟﻤﻜﺮﻭﻧﺔ ﻭﻧﺨﻠﻂ ﺍﻟﻤﻜﺮﻭﻧﺔ ﻣﻊ ﺍﻟﺼﻠﺼﺔ .

5-ﺛﻢ ﻧﻀﻊ ﻓﻲ ﻃﺎﺟﻦ ﺟﺰﺀ ﻣﻦ ﺍﻟﺼﻠﺼﺔ ﺛﻢ ﻋﻠﻴﻬﺎ ﻃﺒﻘﺔ ﻣﻜﺮﻭﻧﺔ.

6-ﺛﻢ ﻧﻀﻊ ﻋﻠﻲ ﺍﻟﻤﻜﺮﻭﻧﺔ ﻣﻌﻠﻘﺔ ﻣﻦ ﺻﻠﺼﺔ ﺍﻟﻠﺤﻢ ﺑﺎﻟﺪﻗﺔ

.

7-ﺛﻢ ﻃﺒﻘﺔ ﻣﻜﺮﻭﻧﺔ ﻭﻋﻠﻲ ﺍﻟﻮﺟﻪ ﺟﺰﺀ ﻣﻦ ﺍﻟﺼﻠﺼﺔ ﺛﻢ ﻧﺴﺨﻦ ﺍﻟﻔﺮﻥ ﻭﻧﻐﻄﻴﻬﺎ ﺑﻮﺭﻕ ﻓﻮﻳﻞ ﻋﺸﺎﻥ ﺍﻟﻤﻜﺮﻭﻧﺔ ﻣﺎ ﺗﺒﻘﺎﺵ ﻧﺎﺷﻔﺔ ﻭﻧﺪﺧﻠﻬﺎ ﺍﻟﻔﺮﻥ ﺗﺴﺘﻮﻱ ﺣﻮﺍﻟﻲ ﺭﺑﻊ ﺳﺎﻋﺔ.

8- ﻳﻘﺪﻡ ﻃﺎﺟﻦ ﺍﻟﻤﻜﺮﻭﻧﺔ ﺑﺎﻟﻒ ﻫﻨﺎ...

طريقة عمل صوص التوفي في المنزل

طريقة عمل صوص التوفي في المنزل

\=\=\=\=\=\=\=

المقادير

نصف كوب سكر

نصف كوب كريمة سائلة

طريقة التحضير

يوضع السكر في وعاء على النار، ويقلب حتى يذوب ويصبح لونه بني فاتح.

يضاف إليه الكريمة، ويقلب جيداً حتى يتجانس.

يرفع الخليط من على النار، ويوضع جانباً ليهدأ.

يوضع في برطمان نظيف وجاف ومحكم الاغلاق.

يحفظ في الثلاجة لحين التقديم.

يقدم مع الحلويات او الآيس كريم.

طريقة عمل كيكة قدرة قادر

قدرة قادر قبل وبعد التقطيع :

الطريقة

 =-=-=

 حطى نصف كوب سكر عادى مع ملعقة ماء على النار دون التقليب ولما يبتدى السكر يسيح قلبىيه حتى يتحول الى كراميل بس أوعى يتحرق علشان لا يمرر ووزعى الكراميل فى صينيه مقاس ٢٦ واتركيها حتى تبرد تماما ..وحطى نصف كيلو لبن على نار هاديه عقبال ما تضربى البيض والسكر مع بعض واضربى4 بيضات مع نصف كوب سكر عادى وملعقه كبيره خل وفانيليا اضربيهم بمضرب يدوى بلاش المضرب الكهربائى علشان لا يعمل فقاعات فى الكريم كراميل نتيجة دخول هواء كتير للبيض واللبن يبقى ساخن خفيف مش مغلى وانزلى باللبن قليل من الضرب المستمر فى البيض اثناء نزول اللبن الساخن عليه وانا بعد كده بصفيه علشان اضمن ان مفيش فيه تكتلات واحط الخليط على الكراميل بعد ما بردت تمام ..نعمل الكيكه بنصف كوب سكر عادى مع ثلاث بيضات كبيره واضربهم مع بعض دى ممكن تضربيها بمضرب كهربائى او حطى السوائل فى الخلاط واضربيهم وحطى عليهم الدقيق بعد ما تضربى البيض والسكر حطى نصف كوب لبن مع نصف كوب زيت واضربيهم وانخلى كوب دقيق مع ملعقه كبيره كاكاو وحطيهم على الخليط وصبى خليط الكيك على الكريم كراميل صبى خليط الخليط فى شكل دائرة حلزونية وهاتى صاج او صينيه اكبر فيها ماء ساخن وحطى الصينيه فى حمام مائى ودخليها الفرن ..مدة تسويه الكريم كراميل ساعه ومده تسويه الكيكه ساعه الا ربع فبعد ساعه الا ربع تفتحى الفرن بالراحه وغطى الصينيه بالفويل حتى لا تنشف الكيك واقفلى الفرن وكملى مده الساعه لتسويه الكريم كراميل وبعدها توضع فى الثلاجه حتى تبرد تماما وعند قلبها فى طبق التقديم حطى الصينيه فى ماء ساخن خمس داقائق علشان يسهل قلبها فى طبق التقديم

الباذنجان بيشرب زيت كتير ايه الحل ؟؟ تعالي بسرعة اعرفي السر مع طريقتين مفاجأة

عايزة تقلي الباذنجان من غير ما يشرب نقطة زيت تعالي بسرعة

مع طريقتين لاحلي باذنجان (( باذنجان بانية وبالتوم )) علي طريقتي الخاصة

واجمل مية مرة من المحلات وتحدددددددي

كل الشكر لمتابعتكم الرقيقة

ارق تحياتي

Nour

بسبوسة بالشيكولاتة

 بسبوسة  بالشيكولاتة

المقادير:

4 كوب سميد

2 كوب بندق

كوب لبن

3/4 كوب سمنة 

نصف كوب سكر

3 م ك كاكاو خام

م ك عسل نحل

م ص بيكنج بودر

شربات البسبوسة:

2 كوب ماء

2 كوب سكر

م ك عصير ليمون

شيكولاتة قابلة للدهن

الطريقة:

امزجى اللبن مع السكروعسل النحل على النار

امزجى فى بولة سميد البسبوسة والبيكنج بودر ثم ضعى عليها السمن وقومى ببسها ثم ضعى عليها الكاكاو وامزجيهم مع بعض 

بعدها ضعى خليط اللبن والسكر والعسل والتقليب باصابع يدك دون عجن 

ادهنى الصينية بالسمنة واتركيها تجمد بها ثم ضعى خليط البسبوسة وقومى بخبط الصينية حتى يكون وجهها مستوى

ادخليها الفرن على درجة حرارة 180 لمدة عشر دقائق 

ضعى ملعقتين من الشيكولاتة القابلة للدهن مع الشربات الساخن تسييح وضعيها على صينية البسبوسة وهى ساخنة 

ادهنى الوجه بالشيكولاتة القابلة للدهن وتزيننها حسب الرغبة مع وضع البندق

البيكنج بودر : البودرة السحرية! واستخدمات لا تتوقعيها ؟؟

البيكنج بودر : البودرة السحرية!
----------

للبيكنج بودر إستخدامات كثيرة بخلاف عمل الكيك والحلويات

يمكن استخدامه أيضا في التنظيف و إزالة البقع تعالي أقولك 

ازاي:

١) لإزالة البقع من علي الحائط إخلطي البيكنج بودربالماء حتي

 تحصلي علي معجون, قومي بوضع المعجون علي البقعة, بعد 

آن يجف المعجون قومي بفركة و ستختفي البقعة.

//////////////////////

٢) لإزالة الدهون من علي اسطح دواليب المطبخ قومي بوضع

 البيكنج بودرعلي آسفنجة التنظيف المبللة و آمسحي بها البقع

 الدهنية.

////////////////////

٣) لإزالة البقع والاوساخ من علي السيراميك في الحمامات

 قومي بوضع البيكنج بودرعلي آسفنجة التنظيف المبللة و 

آمسحي بها اسطح السيراميك.

/////////////////////////////

٤) لتسليك الانسداد البسيط في الحوض: قومي بتفريغ محتوي

 كيسين من البيكنج بودرفي فتحة الحوض و يليهم نصف كوب

 خل ثم قومي بتغطية الفتحة و دعي الخليط يعمل قليلا 

(ستسمعين صوت مثل الفوران), بعد ذلك قومي بسكب قليل من 

الماء الساخن في فتحة الحوض

/////////////////////////////

٥) لإزالة الصفار من الستائر البيضاء فقط اضيفي محتوي كيس 

بيكنج بودر في الغسالة مع الستائر(نع استخدام مسحوق الغسيل

 طبعا!).

////////////////////////////////

٦) لإزالة السواد من علي ياقة القميص الابيض: قومي بنثر 

البيكنج بودر عليها و اتركيه قليلا ثم آفركيه بفرشاه.

//////////////////////////////////////

٧) لتنظيف الفضه : قومي بوضع البيكنج بودر علي القطعة 

المراد تنظيفها ثم آفريكيها قليلا بفرشاه مبلله و اتركي المزيج 

ليعمل بعض دقائق. بعد ذلك قومي بشطف القطعه بالماء.

////////////////////////////

كل الشكر للمتابعة

Nour

معجناتي الهشة بحشوات مختلفة لفطار الاولاد في المدارس

اجمل واخف معجنات هشة بحشوات مختلفة طعم رائع مع قيمة غذائية عالية قدميها لاولادك في المدرسة كنوع من التغير

كل الشكر لمتابعتكم الرقيقة

ارق تحياتي

Nour

طريقة عمل مربي البلح الاحمر الرطب المغذية لسندوتشات المدارس

عندك بلح احمر كتييييييييير في الثلاجة وبعد كام يوم بدا يبقي رطب طيب تعملي ايه

تعالي اعملي منه اجمل مربي مفيدة ومغذية جداااا جدااااا لاطفالنا وخصوصا في موسم الشتاء والمدارس تعالوا نشوف الطريقة ♥

اتمني تجربووووووووها وان شاء الله تعجبكم

لانها بجد جميلة جداااااااااااااااااااا

كل الشكر لمتابعتكم الرقيقة

ارق تحياتي

Nour

قشر الليمون اوعي ترميه وتعالي اعملي بيه احلي مخلل

بتستعملي ليمون كتير جمييييييل تعالي اقولك ازاي تستفيدي من قشر الليمون

وبدل ما ترميه لا استفيدي بيه

طبعا كلنا عارفين فؤائد الليمون وفؤائد قشر الليمون وعشان كدة تعالوا نعمل مخلل الليمون من قشر الليمون ونوفرررررر وده بقي توفير التوفيييييييييييييير

كل الشكر لمتابعتكم الرقيقة

ارق تحياتي

Nour