طريقة عمل العدس بالكريمة

العدس بالكريمة

بمناسبة البرد دا والجو احلى عدس للتدفئه

=-=-=-=

المقادير:

١/٢ كيلو عدس اصفر مغسول 

٢ بصله متوسطه

 جزرة كبيره

حبة بطاطس صغيره

مكعب مرق دجاج

ملح وفلفل 

رشة كمون

١/٢ كوب كريمة لباني 

فصين ثوم

حبة طماطم صغيره

الطريقه:

هتسلقي العدس عادي في ميه بس ما تكتريش الميه بعد 

مانضربه نبقي نزودها هنقطع بصله واحده ونحطها مع العدس 

ونقطع الجزره ونحطها وفصين الثوم وممكن ما تحطيهمش لو 

مش عايزه ونحط الطماطم. نسيبهم يغلوا مع بعض علي النار 

ملحوظه العدس الاصفر بيستوي بسرعه علشان كده قطعي

 الخضار علشان ياخد نفس وقت السوا

هنضرب العدس في الخلاط كويس جدا بعد ما نسيبه يبرد شويه

 وبعدين نصفيه ونفرم البصله التانيه ونشوحها في حتة زبده في 

حلة كبيرة وننزل بالعدس عليها ونضيفله مكعب المرق والكمون 

ورشة بهار بسيطه ودوقيه وزودي ملح لو عايزه ولو تخين

 زودي ميه علي قد ما بتحبي السمك بتاعه بس حبه حبه وسيبيه

 يغلي غلوة بس تفضلي تقلبيه طول الوقت علشان ما يشيطش

 منك ودلوقتي انزلي بالكريمه وهو بيغلي وسيبيها دقيقتين تلاته

 لو حبيتي تضيفي شعريه يبقي بدل ما تحمري البصله حمري

 شعريه وانزلي عليها بالعدس

 وبعدين قدميه مع توست محمص او عيش محمص وبالهنا 

والشفا

بجد روووووعه

طريقة عمل النوتيلا في المنزل وتوفييييييييييييييييييييير

 

طريقة عمل النوتيلا

((  النوتيلا في البيت ))

  نوتيلااااااااااحلي وانصف من بره مليون مره وطبعاااااا السعر لا يقارن علبه وزنها 750 حرام......مكلفتش 20 جنيه وشوفي هتقعد معاكي أد إيه
المكونات .....
٥ جنيه كاكاو خام غامق من العطار
كيس نسكويك ب ٢ جنيه
٢ كيس لبن نيدو ب ٤ او ٥ جنيه
ه جنيه سوداني محمص مكان البندق وطلع اطعم علي فكره او كيس نسكافيه بالبندق للي عايز طعم بالبندق
كوبايه سكر بودره او عادي من غير طحن تلت اربع كوبايه وكيس فانيليا
كوبايه لبن ومعلقة زبده او نصف كوبايه زيت
اطحني السوداني في المطحنه ناعم ....وبعدين حطي عليه الكاكاو والنسكويك والسكر واللبن والفانيليا واضربي في الخلاط
وبعدين حطي الزيت شويه شويه ....
هتلاقيها بدأت تتماسك وتتقل معاكي
حطيها في البرطمان.....وفي الثلاجة.....وشوفيها ولا احلي
.....يارب تعجبكم
وبالهنا والشفا علي قلوبكم

الدوناتس

الدوناتس

 

المقادير..
٦ كوب دقيق.
نصف كوب سكر.
نص ملعقة صغيرة ملح.
٣ م.ص خميرة
٥ بيضات.
٢ ملعقة صغيرة فانيليا.
كوب لبن حليب.
كوب إلا ربع زبدة لينة.

الطريقة..
في العجان نضع الدقيق ويُضاف إليه باقي المكونات الجافة
 ( السكر – الملح – الخميرة البيرة) ونقلبهم كويس.
يُضاف البيض والفانيليا ونكمل العجن حتى يختفي البيض .
ثم يُضاف اللبن ونكمل عجن ..
تضاف الزبدة ونستمر فى العجن كمان خمس دقايق.
تُترك العجينة لترتاح.
نفرد العجينة على سطح أملس مرشوش بالدقيق بسمك ١ سم تقريبا ونقطعها بقطاعات الدونتس.
نرص وحدات الدونتس في صينية مرشوشة بالدقيق .
تُغطى الصينية ونتركها تخمر مره أخرى.
بعد أن تخمر جيدا ويتضاعف حجمها نبدأ في قليها في زيت ساخن
نخرجها من الزيت ونضعها على ورق مناشف لتُصفي الزيت الزائد.
نزين الدونتس بأشكال مختلفة إما بصوص الشوكولاتة أو بصوص الكراميل والفارماسيل ..او حسب الرغبه.
وبالف هنا.

طريقة تجفيف الخضرة (شبت /بقدونس/كسبرة) طعم وريحة وحاجة مميزة وتخلي اكلك ...

طريقة عمل الطماطم المجففة

الطماطم المجففه

الطريقه

نجيب كميه من الطماطم الطازجه ونقطعها علي أربعة وتجيب صاج أو صينيه ندهنها زيت وترص الطماطم فيها ونرش عليها ملح وفلفل اسود وزعتر ورشة زيت خفيف وتدخلها الفرن علي نار هادئة جدا لمدة ٣ ساعات لغاية لما تنشف وبعدين نجيب برطمان زجاج ونرص فيه الطماطم ونحط معاه فصوص توم وورق لوري ونحط زيت بحيث يغطي الطماطم ونقفل عليه ونضعه في الثلاجة لحين الاستخدام

وتستخدم في المكرونه أو بيتزا أو اي اكل بيدخل فيه الطماطم

طريقة عمل صلصة الطماطم

طريقة عمل صلصة الطماطم 

المقادير

=-=-=-=

3 كيلو طماطم مكعبات

١ بطاطس مكعبات

١ بنجر مكعبات

عصير ليمون

2م ك سكر

الطريقة

=-=-=-=

ضعي الطماطم في حلة علي نار عاليه وعليها البطاطس المكعبات و البنجر المكعبات و ملعقة كبيرة من عصير الليمون وامزجيهم مع بعض حتي تغلي ثم قومي بخفض النار واتركيها لمده ساعة 

اتركيها تبرد ثم قومي بضربها في الخلاط مع القليل من المياه 

ضعي الصلصة علي النار تأخذ غلوة

ضعي السكر علي النار حتي يتكرمل ثم ضعيه علي الصلصة وامزجيهم مع بعض

ضعيها في البرطمان وهي ساخنة ده غطاء حتي تبرد 

ضعي علي الوجه القليل من الزيت واتركيها في الثلاجة 

او قومي بتغطيتها بغطاء محكم جيدا واتركيها في الثلاجة والبرطمان مقلوب

مكعبات الباذنجان المخلل الرائعة

المقادير
=-=-=-=2 حبة باذنجان
توم - ملح - كمون - خل - شطة
الطريقة

=-=-=-=-= قطعى الباذنجان الى مكعبات ثم حمريه فى الزيت. 

 ضعى الثوم والتوابل على الباذنجان. 

 يقدم فور تجهيزه. 

طريقة عمل الكريم كراميل

طريقة عمل الكريم كراميل

2 كوب لبن كامل الدسم

ملعقتين كبار قشطة أو كريمة

3 حبات بيض

صفار بيضة " لو بيض أحمر "

فانيليا أو نكهات طعم للتخلص من الزفارة

قشر برتقال مطحون لو حبيبن

4 ملاعق سكر للكريمة

كراميل

كوب سكر

- نحضر قوالب إعداد الكريم كراميل، فالمكونات السابقة تكفى لإعداد 6 قوالب من الحجم المتوسط .

نضع السكر بدون تقليب نهائى فى مقلاة ونهدئ النار حتى لا يحترق .

وبعد دقيقة من وضع السكر على النار سنجد أنه بدأ "يتكرمل" ويأخذ اللون الذهبى الغامق مع مراعاة عدم تعرضه للحرقحتلا لا يصبح طعمه مر ثم نصبه فى القوالب حتى يغطى أسفل القوالب تماما ونتركه على جنب حتى يبرد جيدا .

طريقة إعداد الكريمة :

نضع الحليب على النار حتى يغلى ومعه القشدة وبعد أن يغلى نضع السكر مع مراعاة أن السكر حسب الرغبة فقد تضعِ 4 ملاعق ويصبح الطعم مضبوط جدا .

وفى طبق عميق نضع الـ 3 حبات بيض، ومعهم صفار البيضة الحمراء، ونخلطهم معا بالمضرب الكهربى جيدا ومعها الفانيليا أو أى نكهة مفضلة.

وبعد أن يغلى الحليب نضع منه على البيض ونضربه سريعا بالمضرب ثم نضيف باقى الحليب المغلى على البيض ونقلب حتى لا يستوى البيض ويأخذ الشكل السائل مع الحليب. 

ثم نضع فى القوالب قليل من الماء البارد، بسرعة ونضيفه حتى نتأكد أن الكراميل أصبح صلبًا ولا يسيح بمجرد وضع خليط الكريم عليه.

- ونصب الكريم على الكراميل فى القوالب مع مراعاة ترك 11 سم من فوق لأن الكريم أحيانا يعلو ولا ينزل فى الصينية .

نرص القوالب فى صينية حوافها عالية بقارب بيركس ونكون مسخنين الفرن على درجة حرارة 180 درجة ونضع ماء مغلى فى الصينية بعد وضع القوالب " حمام مائى "، لسرعة النضج سخن لسرعة فنضع الماء لنصف القالب وهو تقريبا يأخذ وقت من 45 : 60 دقيقة ولمعرفة اكتمال طهيه من عدمه نختبره بخلة بعد تكون طبقة ذهبية اللون عليه، فإذا خرجت الخلة نظيفة نتأكد من اكتمال طهو الكريم كراميل، وفى حالة وجود سائل نتركه ربع ساعة ونختبره مرة أخرى للتأكد من اكتمال الطهى .

وعند اخراجه من الفرن ننتشله من الصينية ونتركه حتى يبرد تمام وندخله الثلاجة لمدة 3 ساعات على الأقل وقبل التقديم نقوم باستخدام حرف سكين رفيع بتسليك الأطراف من القوالب لضمان عدم التصاق الكريم كراميل بالقالب، ثم نضعه على عين البوتاجاز الصغيرة على نار هادئة لمدة 30 ثانية حتى يذوب الكراميل وينزل على الكريم .

المكرونةالمبكبكة

المكرونةالمبكبكة

المقادير : 

 لحمة ضاني وممكن فراخ أو لحمة كندوز

 بصل 

 حبهان 

 فلفل اسود 

 توم 

 عصير طماطم

 كيس صلصة 

 معلقة سكر 

 ملح 

 كركم 

 شطة. 

 توابل مغربي ( رأس الحانوت ) لو موجودة 

 سمنة 

 زيت 

 مكرونة 

الطريقة

 اللحمة تتسلق على النار مع البصل والحبهان والفلفل ونسلقها على نار هادية لحد ما تستوي خالص ونفس الكلام للفراخ ، 

هنجيب البصلة المفروومة ونحطها ف سمن مع زيت وندبلها على النار وننزل عليها بالتوم والصلصة ونقلب تقلبتين ودلوقتي هننزل بعصير الطماطم ونسيبها لحد ما تتسبك 

هنحط التوابل بتاعتنا والشوربة عندي بتغلي ف حلة تانية وعندي ماية مغلية زيادة غير الشوربة 

هنحط المكرونة ف الصلصة وهيا نية ونزود ماية + شوربة اللي بيغلوا ونقلب كويس ونوطي ونسيبها 

نستني خمس دقايق ونرجع نقلبها بس مش كتير عشان متعجنش مننا 

ونفضل نبص عليها كل شوية لو مايتها نشفت نزود ماية مغلية ونحط اللحمة فيها قبل ما المكرونة تخلص سواها ونقلب ونغرف ف طبق كبير وتتقدم مع سلطة خضرا 

وبالهنا

أسرار نجاح البسبوسة

أسرار نجاح البسبوسة .
ستات وبنات كتير بتعمل حلويات جميلة .. بس تقولك انا عقدتي البسبوسة
ليه بقا ؟ لان في اساسيات لنجاح البسبوسة متعرفهاش طبعا
.
صحيح الأول .. هي ليه اسمها بسبوسة
لان طريقة عملها بتحتاج «البس»
أي بس الدقيق بالسمن حتى يمتزجا تماما،
وأول حد اشتهر بصنعها هم العثمانيون.

هقولك على التكات و الأسرار الخاصة علشان تحضري بسبوسة طريه زي الجاهزة بالظبط

اولاً .. لازم تشتري دقيق السمولينا (السميد) بدون اي اضافات و يكون نوعه كويس ومضمون , والزبادي يفضل يكون بلدي والسمنة تكون فلاحي
.
.. دقيق السمولينا بيحتوي على مادة الجلوتين مع تكرار التقليب بتنشط المادة دى و تخلي البسبوسة تنشف منك.
فيجب مراعاه تقليل التقليب للحصول على بسبوسة طريه
والمادة دي بتتفاعل مع اللبن او الزبادي وتخلي البسبوسة تنشف .. عشان كده بنضيف الزبادى اخر حاجة وع الفرن السخنة ع طول

.. بيتم خلط دقيق السمولينا مع السمنة واهم حاجة لازم تكون سمنة بلدي ودافية و بسيهم باليد ببطء خفيف وبيتم تغليف دقيق السمولينا جيداً لمنع تفاعله مع المواد الباقية
.
رشة البيكنج بودر بتخلي البسبوسة تشرب الشربات بسرعة
.
سر المحلات بقى .. رشة الملح مع السميد .. بيخليها روووعة ❤
.
جوز الهند يكون ربع كمية الدقيق (يعني لو ٢ كوب سميد .. يبقى ربع كوب جوزهند)
ملعقة العسل الجلوكوز او عسل النحل او الشربات التقيل مع السمنة الدافية .. تخليها تمضغ وتبقى ماسكة نفسها
.
الشربات .. ودي اهم نقطة علشان بتحير ناس كتير لازم يكون الشربات (كوب سكر مع كوب ماء)
يتم وضعه على النار حتي الغليان و بعدين ضيفي عصرة نص ليمونه مع معلقة سمن بلدي واطفي
.وبيتم اضافتة على البسبوسة فور خروجها من الفرن و بعد كده بيتم تغطية البسبوسة جيدا للحصول على بسبوسة طرية (ال 2 سخن)
وتخليها جوه الفرن المطفيه
.
دهان الصينية بالطحينة بيديها لون جميل وتطلع قطع متماسكة
.
بيتم ادخال البسبوسة على درجة حرارة 220 عشر دقائق .. وبعدين 200 لمدة ثلث ساعة حتى الحصول على اللون الذهبي
.
قوام البسبوسة لازم يكون سميك و ليس خفيف
.
تتحط ف صينية منخفضة الجوانب ..
.
دي بقي تكه ليكي .. لما تلاقي البسبوسة شربت الشربات كويس يبقي اعرفي انها نجحت و هتكون احلى بسبوسة من ايدك
.
ودي مقادير مظبوطة للبسبوسة
نص كيلو سميد
رشة ملح .. رشة بيكنج بودر
نص كوب جوز هند
نص كوب سكر
نص كوب سمن بلدي دافئ
٢ ملعقة عسل جلوكوز
تلتين كوب لبن دافئ
.
تبسي السمن مع المكونات الجافة بالراحة .. وبعدين تدوبي العسل ف اللبن وتنزلي ع السميد وتقلبي بالملعقة بحنية جدا
تحطيها ف صينية مقاس ٣٠ مدهونة
وع الفرن السخنة فورا
اول متطلع تسقيها بشربات سخن (2 كوب سكر .. 2 كوب ماء)
وتغطي وتدخلي الفرن المطفيه.
.

قشر الليمون اوعي ترميه وتعالي اعملي بيه احلي مخلل الطريقة بالكتابة والفيديو

لو بتستعملي ليمون كتير جمييييييل تعالي اقولك ازاي تستفيدي من قشر الليمون

وبدل ما ترميه لا استفيدي بيه

والطريقة مكنوبة تحت الفيديو تابعووووووني

طبعا كلنا عارفين فؤائد الليمون وفؤائد قشر الليمون وعشان كدة تعالوا نعمل مخلل الليمون من قشر الليمون ونوفرررررر وده بقي توفير التوفيييييييييييييير

الطريقة :- اول حاجة بنجمع قشر الليمون في كيس في الفريزر ونحضر بقي بشر جزر وفلفل حامي وكام فص نوم ونسلق الليمون نصف سلق بلاش تهريه

وبعدين ندوب فيها ملح طب عاوزة تعرفى قد ايه؟

وبعدين تغلي ماية ونسبها تبرد خالص ودي ماية التخليل وياتري بقي ليه نغليها اصلا (( عشان متعملش ريم فوق المخلل )) تعااااااااااااالي

وهكذا لحد مالكمية تخلص وزعى فصوص التوم عالوش بس تكونى شاقاها

هاتى بيضه في درجة حرارة الغرفة وحطيها فيها هاتغطس زودى ملح وقلبى اول ماتعوم يبقى كده حدق المية ظبط معاكي تمام ونرص بقي في البرطمان... راق بشر جزر وراق فلفل وراق ليمون وحطى المية الى جهزناها قبل كدة وشوية خل

جربوه وادعولي والف هنا

وغطي البرطمان وبلاش تحطي اي حاجة تانية كمان حطي البرطمان بالمقلوب لمدة 3 ايام عشان الهواء يخرج وميكونش اي بكتريا نهائي وبعد كدة اعدلي البرطمان وسبيه 15 يوم وبعدين افتحي عليه وشوفي اجمل مخلل ليمون زي العسل ومش حتصدقي انه من قشر الليمون

ومتنسوش لايك وشير ,Subscribe

كل الشكر لمتابعتكم الرقيقة

معلومات هااامة عن الشاي الاخضر وفوائده واضراره .

معلومات هااامة عن الشاي الاخضر وفوائده واضراره .

الشَّاي الأخضر يعمل علي تحسين الانتباه العقلي،

وخفض مستويات الكولستيرول

والمساعدة على إنقاص الوزن،

وللمزيد من المعلومات تابعوا الفيديو .

طريقة عمل هريسة اسكندراني بطريقة جديدة رائعة لا تفوتكم بالكتابة والفيديو

تعتبر الهريسة من الحلويات التي تشتهر بها محافظة الإسكندرية؛ حيث تتمتع بمذاق رائع يجذب الكثيرين، لذلك يسعدني اقدم لكم طريقة عمل الهريسة الاسكندراني

بس بشكل تاني حاجة كدة فوق الروعة ♥ اتمني تعجبكم

=================

المقادير =-=-= نصف كيلودقيق سميد

- واحد كوب سمن (( بس انا استعملت نصف كوب )) نصف كوب لبن الي ثلاث ارباع - ملعقة كبيرة بيكنج باودر - فانيليا شراب سكري 2 كوب سكر - 2 كوب ماء نصف ليمونة الطريقة

=-=-=

اولا نحضر حلة علي النار وفيها كوب سكر

ونقلب لحد ما يبقي لون الكراميل السكر حيخرز معاكي ويكلكع ولا يهمك قلبي واستمري في التقليب وانزلي بالسمن واللبن مع التقليب المستمر عشان السكر يفك استمري في التقليب حيفك معاكي وبعدين طفي النار ونجيب حاجة بلاستيك او زجاج ونحط فيها الدقيق والبيكنج باودر والفانيليا ويقلب جيدااااا ونضيف الخليط السابق عليه ويقلب جيدااااااا ويوضع في صنية مدهونة بالسمن ويدخل الفرن وفي الوقت ده نحضر الشربات وتخرج من الفرن ونسقيها الشربات فور خروجها وهو سخن والهريسة سخنة وتعالوا شوفوا جمالها في الاطباق والطعم مميز جدااااااااااا جداااااااااااااا

اتمني تعجبكم واتمني كمان تجربوها لانها جميلة فعلا وتستحق التجربة

اررق تحياااااااااااااااتي

# نورالفؤاد

تهنئة خاااصة جدااا من قناة اكلاتنا الحلوة في مطلع عام 2018 لكل متابعي القناة عام سعيد

فيديو تهنئة خااااصة من قناة ((( اكلاتنا الحلوة ))) بالعام الجديد

في مطلع عام 2018 اقدم لكم جميعا ارق التهنئة

ويارب يجعله عام سعيد علينا وعلي الامة الاسلامية

يارب اجعله عام تتبدل فيه الاحزان الي افراح

كل سنة وانتم بخييييييييييييييييييييييير

عام جديد سعيييييييييييييييييييييييييييد

اجمل صور تهنئة ((( متحركة ))) العام الجديد 2018

في مطلع عام 2018 اقدم لكم جميعا ارق التهنئة ويارب يجعله عام سعيد علينا وعلي الامة الاسلامية يارب اجعله عام تتبدل فيه الاحزان الي افراح عام جديد سعيييييييييييييييييييييييييييد كل سنة وانتم بخييييييييييييييييييييييير

 كل عام وقلوبنا بالحب عامرة كل عام وأرواحنا مليئة بذكر الله

 كل عام وصفحات أيامنا بحب الخير ترقى

 كل عام وانتم جميعا بالف خيييير

عام سعييييييييييييييد ان شاء الله

اجمل صور للتهنئة بالعام الجديد 2018

في مطلع عام 2018 اقدم لكم جميعا ارق التهنئة

ويارب يجعله عام سعيد علينا وعلي الامة الاسلامية

يارب اجعله عام تتبدل فيه الاحزان الي افراح

كل سنة وانتم بخييييييييييييييييييييييير

عام جديد سعيييييييييييييييييييييييييييد